Рекордно производство на малите ХЕЦ на ЕВН Македонија во јануари

Во првиот месец од годината, ЕВН Македонија регистрираше рекордно производство на електрична енергија од обновливи извори на енергија за 130% повеќе од просечното производство во минатите десет години. 
Производството од малите хидроцентрали во Јануари годинава е 23,5 GWh, наспроти просечното производство од 10 GWh за истиот месец во изминатите десет години.

Ваквата состојба се должи на ревитализацијата на малите хидроцентрали и воведувањето на модерна технологија во нив.  Производството на енергија од обновливи извори е стратешка цел на EVN Македонија за заштита на животната средина со имплементирање на сите европски еколошки стандарди.

Рекордни резултати се регистрираа и за цела 2009 година, која се заврши со 150 милиони KWh произведена електрична енергија од малите хидроцентрали на ЕВН Македонија,  што е за 50% повеќе од планираното и од просекот во минатата деценија.