С О О П Ш Т Е Н И Е

EVN Македонија почна со усогласување на фактурирањето на заедничката потрошувачка на електрична енергија  со новиот Закон за домување

Со новите фактури за потрошена електрична енергија  не се врши поделба на заедничката потрошувачка по одделни станови, како што досега се практикуваше кај дел од станбените објекти.

Во  иднина  фактурите  за потрошена електрична енергија на броилата за заедничка потрошувачка ќе бидат адресирани до куќните совети, односно согласно законот за домување, до ново формираните правни лица. Според законот, станбените објекти се задолжени да формираат правно лице односно заедница на сопственици преку која ќе одат сите менаџирања во зградата, како и плаќањето на сите заеднички трошоци во објектот. Оттука, и заедничката потрошувачка за електрична енергија ќе се регулира преку правното лице или Управителот на зградата.